أنا مش شايف أيوتها سوبر هيرو!
من وأنا صغير كان عندى ولع أسطورى بالأبطال الخارقين او ال سوبر هيرو .. أعتقد مفيش طفولة مرّت من غير كارتون بات مان أو لعبه نينجا على الأتارى أو سوبر مان اللى بيلبس النضارة يبقى الصحفى “كلارك كنت”, وأكيد أكيد لازم تكون وإنت صغير جبت فوطة طويلة وربطها من عند رقبتك وحاولت تطير بين السراير, لو معملتش كده ففعلاً فاتك كتير!
القصد, فى الفترة الأخيرة شوفت أفلام سوبر هيروز بمعدل كبير شوية, لدرجة إنى بدأت أشك إن لحد دلوقتى مصر مفيهاش صوبر هيرو يوّحد ربنا, بدأت أشك فى كل الناس حواليا, بواب العمارة بتاعتنا اللى بيختفى فى أوقات غريبة, الولد اللى بيصحى من 7 الصبح ويروح يلّف بين القهاوى بتاعت المنشية ومحطة الرمل يمسح جزم .. وحتى عم محمد صاحب الكشك اللى فى وش البيت, مش معقول كل دول عندهم الصفات الجسمانية بتاعت ال سوبر هيرو وأذكياء وبيختفوا فى اوقات مش مفهومة ومكتفيين بالشغلانات البسيطة دى ! أكيد فيه سر !
المهم, بعد ما تجاوزت مرحلة الشك العجيبة دى وبدأت أشك فى أبويا وأمى إنهم سوبر هيروز من ورايا (راجع حلقات تيمى تيرنر الموسم الثانى- بابا وماما أبطال خارقين) بدأت وأنا ماشى فى الشارع بفكّر و بعدّ المشاكل اللى ممكن تواجه أى سوبر هيرو بيحترم نفسه وقرر يعيش فى مصر, واللى أكيد مش هتخرج عن الأتى:
1- التخوين: أى بطل خارق جاى من بره وهيعيش فى مصر ويبدأ يعمل عمليات بطولية تلفت ليه الأنظار وتخليه محبوب وناجح هيواجه الخطوة الأولى اللى بتواجه اى حد جه من بره ونجح .. التخوين .. متقلقوش دى حاجة عاملة زى حقنة مناعه كده للى جاى يعيش فى مصر (يمكن تفادى هذه المشكلة فى حالة إنه كان إبن بلد وأصيل)
بس لو هو مصرى وإبن وادى النيل وكده فده هيقودنا للمشكلة التانية,
2- التصنيف : إنت اهلاوى ولا زمالكاوى .. فلول ولا أخوان .. هتنتخب مرسى ولا شفيق .. طيب السيسى ولا حمدين !
3- الزبالة: (إنت متخيل لو سوبر مان او سبايدر مان بيطيروا ولبسوا كيس زبالة محدوف من شباك فى وشهم هيحسوا بأيه, دى قلة قيمة يابا)
4- المرور: فى حالة إنك سوبر هيرو مش بتطير -باتمان مثلا- هتواجه مشكلة صعبة إنك توصل لمكان الجريمة بدرى .. غالبا هتوصل فى وقت ينافس رجال الشرطة فى الأفلام العربى, وإحتمال عربيتك تتكلبش وإنت فى العركة !
5- أحوال مالية متعسرة: ودى فترة واجهت اى سوبر هيرو مٌحترم -باستثناء بات مان- وتغلبوا عليها بعدها بوقت, لكن أعتقد فى مصر الموضوع مختلف, يعنى مثلا ممكن نلاقى سوبر مان بيعمل إعلان بوكسرات أو سبايدر مان طالع مع محمود الليثى فى إعلان لولوا.
وده اللى هيقودنا للمشكلة الخامسة .. الإبتذال
6- فى حالة نجاح السوبر هيرو فى مصر هتنهال عليه العروض السينيمائية, وغالبا هتلاقي فيلم بإسم “سوبر مان ولكن” .. وغالبا الممثلين هيبقى فيهم سعد الصغير وصافيناز.
المهم, بعد ما تجاوزت مرحلة الشك العجيبة دى وبدأت أشك فى أبويا وأمى إنهم سوبر هيروز من ورايا (راجع حلقات تيمى تيرنر الموسم الثانى- بابا وماما أبطال خارقين) بدأت وأنا ماشى فى الشارع بفكّر و بعدّ المشاكل اللى ممكن تواجه أى سوبر هيرو بيحترم نفسه وقرر يعيش فى مصر, واللى أكيد مش هتخرج عن الأتى:
1- التخوين: أى بطل خارق جاى من بره وهيعيش فى مصر ويبدأ يعمل عمليات بطولية تلفت ليه الأنظار وتخليه محبوب وناجح هيواجه الخطوة الأولى اللى بتواجه اى حد جه من بره ونجح .. التخوين .. متقلقوش دى حاجة عاملة زى حقنة مناعه كده للى جاى يعيش فى مصر (يمكن تفادى هذه المشكلة فى حالة إنه كان إبن بلد وأصيل)
بس لو هو مصرى وإبن وادى النيل وكده فده هيقودنا للمشكلة التانية,
2- التصنيف : إنت اهلاوى ولا زمالكاوى .. فلول ولا أخوان .. هتنتخب مرسى ولا شفيق .. طيب السيسى ولا حمدين !
3- الزبالة: (إنت متخيل لو سوبر مان او سبايدر مان بيطيروا ولبسوا كيس زبالة محدوف من شباك فى وشهم هيحسوا بأيه, دى قلة قيمة يابا)
4- المرور: فى حالة إنك سوبر هيرو مش بتطير -باتمان مثلا- هتواجه مشكلة صعبة إنك توصل لمكان الجريمة بدرى .. غالبا هتوصل فى وقت ينافس رجال الشرطة فى الأفلام العربى, وإحتمال عربيتك تتكلبش وإنت فى العركة !
5- أحوال مالية متعسرة: ودى فترة واجهت اى سوبر هيرو مٌحترم -باستثناء بات مان- وتغلبوا عليها بعدها بوقت, لكن أعتقد فى مصر الموضوع مختلف, يعنى مثلا ممكن نلاقى سوبر مان بيعمل إعلان بوكسرات أو سبايدر مان طالع مع محمود الليثى فى إعلان لولوا.
وده اللى هيقودنا للمشكلة الخامسة .. الإبتذال
6- فى حالة نجاح السوبر هيرو فى مصر هتنهال عليه العروض السينيمائية, وغالبا هتلاقي فيلم بإسم “سوبر مان ولكن” .. وغالبا الممثلين هيبقى فيهم سعد الصغير وصافيناز.
وهكذا.. وبعد التفكير السودوى المأسوى ده .. لازم نحمد ربنا إننا معندناش ريحة السوبر هيرو فى مصر. نقطة .
"اعتذر عن كتابة مصطلحات إنجليزية باللغة العربية وذلك لعدم قلب السطور فى ظل نظام الأبجدية السخيف المتبع فى المدوّنة"
"اعتذر عن كتابة مصطلحات إنجليزية باللغة العربية وذلك لعدم قلب السطور فى ظل نظام الأبجدية السخيف المتبع فى المدوّنة"
تعليقات
إرسال تعليق