عن فوائد الإلحاد
وإنت بتستفتح المقال كده وبتقول يا كريم وهتبتدى تقرا بعد ما إستفزك العنوان .. هتتوقع إنك تلاقى حاجة هنا تشتمنى وتلعنى عليها وبعدها تقفل وتنام قرير العين عشان دافعت عن معتقداتك .
متوقع أخبطك بكلام كلام اللادينية والوجودية الذاتية .. أو كلمتين مجعلصين عن الكوانطم و البيج بانج ؟ ليه مجاش فى خيالك مثلا انى ممكن أتكلم عن أفضل الطرق المناسبة لعمل حساء الخضروات .. او كيف تصبح ثريا فى 3 ايام .. أو مثلا كيف تستغل طاقتك الإيجابية فى أى حاجة؟
عارفين الحكاية بتاعت الشاب اللى كان بيبيع كتب لصاحب الكشك اللى على أول الشارع .. وفى يوم وهو بيدور فى شنطته القديمة لقى كتاب قديم بغلاف مقطع عن الوصف التفصيلى لهيكل الإتحاد العام لجمعيه ما .. كتاب أعتقد من الكتب اللى ممكن تقابلها عند بتاع فول وفلافل .. كل اللى عمله صاحبنا ده إنه غلٌف الكتاب بغلاف كويس من الكرتون وكتب عليه ” العشيقة والسفاح ” .. ولمزيد من الإمعان كتب بخط منمق فى صفحات عشوائية جمل زى ” أرجوك لا تقتلنى الليلة” .. ” إنها تخونك ” وأشياء من هذا القبيل .. الراجل صاحب الكشك أول ما شاف الكتاب أتهبل عليه وإشتراه منه بمبلغ كويس .. وطبعا مش محتاج اوصفلك رد فعله لما فتح الكتاب بتأنى بعدها عشان “يتمزج”
لسه بتقرا ؟ طيب دى مشكلتك أنت .. إفتكر إنى قولتلك بلاش
يظل السؤال مطروح .. انا ايه اللى يمنعنى اتكلم واحكيلك عن علاقة نظرية التطور وإنتخاب الطبيعة بأى حاجة .. !
طيب عشان نبقى متفقين ..مش هتكلم في حاجة تقدر بأى تكه زرار على جوجل تعرف حاجات أكتر من اللى ممكن أكتبها هنا .
مرة واحد بحترمه وبحبه قالى .. أنا كل ما أروح مكان أثرى او قديم بحاول ألمس مكان محدش لمسه قبل كده .. يمكن باللمسة دى تتنقلى ذكريات المكان او أقدر أتواصل مع فكره عبقرية حد فكٌر فيها قبلى وهو هنا .. وساعتها هبص للمكان كله بنظره مختلفة .
سيبك من النظرة الأولانية اللى كله هيبص عليها وهياخد باله منها .. عديها .. قرب .. قرب أكتر .. دقق النظر .. لو دققت شوية كمان ممكن تشوف حاجة غيرك محدش شايفها .. او شايفها وعامل عبيط
ليه منبصش مثلا على إن الظهور القوى لفكره الإلحاد هو فرصة لأصحاب الدين إنهم يعرفوا دينهم أكتر .. أيه صعبه ؟
طيب هبسطهالك .. لو واحد هيسافر يمثل بلده فى مؤتمر عن “التداعيات الإقتصادية لما بعد الأزمة العالمية” مثلا .. مش بذمتك هيتكسف على دم أهله ويعد يقراله كتابين فى الطياره عن الإقتصاد والأزمة العالمية ؟
أهو حضرتك بقى الشخص ده .. إنت اللى بتمثل دينك على الأرض وبين الناس ومع نفسك .. إنت اللى فى أيدك القرار تكون مُمثل كويس وتبان انك بتفكر وبتفهم وعارف عن اللى بتمثٌله ولا مجرد بتأدى واجب وفرض وخلاص .. ؟
محدش من اللى بيشتم الشخص الملحد فكر يشترى كتاب لعالم محترم عن الدين المسيحى او الإسلامى .. محدش منهم فكر إنه عشان يتكلم عن دينه لازم يكون عارف أبسط قواعده وهى تقبُل الأخر
انكد عليك أكتر وأوريلك حاجة انت شايفها ومش عايز تشوفها .. تعرف كمان إن اللى بيشتموا عمرهم ما فكروا لثانية حياتهم من غير دينهم هتبقى عامله إزاى .. وهل هو متمسك كده بدينه عشان حياته كده احسن ولا لمجرد الخوف الفطرى من النار والعذاب ؟
للأسف .. الغالبية العظمى اللى شوفتها من الفئة الاولى او الفئة التانية بيتكلموا عن عدم اقتناع شخصى كامل .. ده بيهاجم فكره وجود الدين لمجرد الوجود والتانى بيدافع عن الدين بطريقة تسئ ليه اكتر ما تنُصره .. ونسينا
لسه بتقرا ؟ طيب دى مشكلتك أنت .. إفتكر إنى قولتلك بلاش
يظل السؤال مطروح .. انا ايه اللى يمنعنى اتكلم واحكيلك عن علاقة نظرية التطور وإنتخاب الطبيعة بأى حاجة .. !
طيب عشان نبقى متفقين ..مش هتكلم في حاجة تقدر بأى تكه زرار على جوجل تعرف حاجات أكتر من اللى ممكن أكتبها هنا .
مرة واحد بحترمه وبحبه قالى .. أنا كل ما أروح مكان أثرى او قديم بحاول ألمس مكان محدش لمسه قبل كده .. يمكن باللمسة دى تتنقلى ذكريات المكان او أقدر أتواصل مع فكره عبقرية حد فكٌر فيها قبلى وهو هنا .. وساعتها هبص للمكان كله بنظره مختلفة .
سيبك من النظرة الأولانية اللى كله هيبص عليها وهياخد باله منها .. عديها .. قرب .. قرب أكتر .. دقق النظر .. لو دققت شوية كمان ممكن تشوف حاجة غيرك محدش شايفها .. او شايفها وعامل عبيط
ليه منبصش مثلا على إن الظهور القوى لفكره الإلحاد هو فرصة لأصحاب الدين إنهم يعرفوا دينهم أكتر .. أيه صعبه ؟
طيب هبسطهالك .. لو واحد هيسافر يمثل بلده فى مؤتمر عن “التداعيات الإقتصادية لما بعد الأزمة العالمية” مثلا .. مش بذمتك هيتكسف على دم أهله ويعد يقراله كتابين فى الطياره عن الإقتصاد والأزمة العالمية ؟
أهو حضرتك بقى الشخص ده .. إنت اللى بتمثل دينك على الأرض وبين الناس ومع نفسك .. إنت اللى فى أيدك القرار تكون مُمثل كويس وتبان انك بتفكر وبتفهم وعارف عن اللى بتمثٌله ولا مجرد بتأدى واجب وفرض وخلاص .. ؟
محدش من اللى بيشتم الشخص الملحد فكر يشترى كتاب لعالم محترم عن الدين المسيحى او الإسلامى .. محدش منهم فكر إنه عشان يتكلم عن دينه لازم يكون عارف أبسط قواعده وهى تقبُل الأخر
انكد عليك أكتر وأوريلك حاجة انت شايفها ومش عايز تشوفها .. تعرف كمان إن اللى بيشتموا عمرهم ما فكروا لثانية حياتهم من غير دينهم هتبقى عامله إزاى .. وهل هو متمسك كده بدينه عشان حياته كده احسن ولا لمجرد الخوف الفطرى من النار والعذاب ؟
للأسف .. الغالبية العظمى اللى شوفتها من الفئة الاولى او الفئة التانية بيتكلموا عن عدم اقتناع شخصى كامل .. ده بيهاجم فكره وجود الدين لمجرد الوجود والتانى بيدافع عن الدين بطريقة تسئ ليه اكتر ما تنُصره .. ونسينا
تعليقات
إرسال تعليق