فَقط تَخيٌل
ظلام .. لَيل .. ومَطر .. وقلب يهفو إلىَ لمسة حانية .
ذلك الصقيع الذى يُجبر مشاعرك على الحنين إلى شئ ما .. أو شخص ما .
فى بطء .. إقتربا .. و ..
ذلك الصقيع الذى يُجبر مشاعرك على الحنين إلى شئ ما .. أو شخص ما .
فى بطء .. إقتربا .. و ..
لأ لأ ثوانى كده , المقال ده مش رومانسي على فكرة .
فصلتك ؟ انا اسف .. بس خلينا واقعيين , أنا أخِر واحد ممكن يكتب عن الرومانسية .
فصلتك ؟ انا اسف .. بس خلينا واقعيين , أنا أخِر واحد ممكن يكتب عن الرومانسية .
المقال ده ممكن يكوت مُختلف شوية , لأنى لا هصدمك بحاجة فى الأول ولا فى الأخر -صدمتك فى الأول .. إحم- عموما أنا لسه عند طلبى , اللى هو إن حضرتك تقرى الكلام وتتخيل الشخص اللى محطوط فى موقف زى ده بيفكر إزاى مثلا .
المواقف دى مش وهمية , يمكن اكتر من 99% من اللى بيتكتب دلوقتى حصل فعلا .
قد تحتوى بعضا من هذه المواقف على تصرفات متناقضة , لذا لزم التنويه .
وبالمرة يعنى .. التناقض موجود فى كل حاجة حوالينا , مجتش عليا !
المواقف دى مش وهمية , يمكن اكتر من 99% من اللى بيتكتب دلوقتى حصل فعلا .
قد تحتوى بعضا من هذه المواقف على تصرفات متناقضة , لذا لزم التنويه .
وبالمرة يعنى .. التناقض موجود فى كل حاجة حوالينا , مجتش عليا !
الموقف الأول : بنت مش مُحجبة .. بتصلى وبتصوم يمكن اكتر من مُحجبات كتير , مُشكلتها الأزلية فى الوسط اللى حواليها -من صحاب أو زملاء أو معارف- اللى مش قادر يقتنع إن فى بنات مش مُحجبة بس بتأدى الفروض عادى .
بتواجه سخرية عميقة لما بتكتب ستاتس ليها علاقة بالصلاه أو الصوم مثلا , عموما هى أخر شخص ممكن حد يختاره لو هيتكلم معاها عن تفاصيل فى الدين !
تسألنى ليه ؟ حقيقى مش عارف .
بتواجه سخرية عميقة لما بتكتب ستاتس ليها علاقة بالصلاه أو الصوم مثلا , عموما هى أخر شخص ممكن حد يختاره لو هيتكلم معاها عن تفاصيل فى الدين !
تسألنى ليه ؟ حقيقى مش عارف .
الموقف التانى : واحد بيشرب مُخدرات بس فى نفس الوقت بيقنع اللى حواليه إنهم ميشربوش .. الرد الطبيعى اللى بيلاقيه طبعا هو ” ماتنصح نفسك ” , التساؤل اللى بيدور فى الحتة دى هل فعلا لازم يتوكس على عين أهله ويبطل نصايح لخلق الله بحاجة غلط هو بيعملها بس مش عايز غيره يعملها ؟
ولا المفروض الناس تتقبل منه النصيحة فى الحاجة دى بالذات بإعتباره واحد مجرب الحاجة وعارف عيوبها ومميزاتها ؟
*لمزيد من الإيضاح .. راجع موقف والدك المُدخن عند عِلمُه بتدخينك *
ولا المفروض الناس تتقبل منه النصيحة فى الحاجة دى بالذات بإعتباره واحد مجرب الحاجة وعارف عيوبها ومميزاتها ؟
*لمزيد من الإيضاح .. راجع موقف والدك المُدخن عند عِلمُه بتدخينك *
الموقف التالت : ولد مش بيسلم على البنات -لإستناده لأراء فقهية كتير بتحرم السلام مع إحترامه لأراء فقهية أخرى بتحلل السلام- بيتكلم عن فقهية الحجاب .. بروا وللمرة التانية الرد الطبيعى إنه المفروض ميتكلمش فى حاجة زى دى ..
“ياأخى دانت بتتكسف تسلم .. بذمتك ليك عين تتكلم عن الحجاب ”
” أترضاه لأختك .. أه صح دأنت مبتسلمش ”
“يابنى انت محترم ومبتسلمش .. حرام تتكلم عن الحاجات دى ”
أو نفس ذات الموقف بس من ناحية معاكسة ؟ بنت تتسأل انتى ليه مش مُحجبة مثلا –مع إعتراضى بشكل او بأخر على السؤال- فتكون إجابتها إنها بتدافع عن حقوق المرأه عشان كده مينفعش تبقى مُحجبة ؟ إزاى يعنى تبقى مُحجبة
وكأن مطالبتك بحق غيرك شرط أساسى من شروطها إنك تكون مبتحصلش على نفس الحق .
“ياأخى دانت بتتكسف تسلم .. بذمتك ليك عين تتكلم عن الحجاب ”
” أترضاه لأختك .. أه صح دأنت مبتسلمش ”
“يابنى انت محترم ومبتسلمش .. حرام تتكلم عن الحاجات دى ”
أو نفس ذات الموقف بس من ناحية معاكسة ؟ بنت تتسأل انتى ليه مش مُحجبة مثلا –مع إعتراضى بشكل او بأخر على السؤال- فتكون إجابتها إنها بتدافع عن حقوق المرأه عشان كده مينفعش تبقى مُحجبة ؟ إزاى يعنى تبقى مُحجبة
وكأن مطالبتك بحق غيرك شرط أساسى من شروطها إنك تكون مبتحصلش على نفس الحق .
بشكل أو بأخر .. بحس إن المواقف اللى فاتت تتناسب طرديا مع موقف واحد مُلحد إسمه إسلام , مع إحترامى للمُلحدين اللى إسمهم إسلام .
اه صحيح أنا كده خلصت , طبعا عايز تعرف أنا كتبت كلام زى ده ليه ؟ الحقيقة انا مكنش عندى أدنى فكرة وانا ببتدى أكتب .
ولحد دلوقتى معنديش أدنى فكرة أنا كتبت كده ليه ..
يمكن زحمة أفكار بتجاهد عشان تطلع .. أو أياً يكن .. متنكرش إنك كملت للأخر بمزاجك .
اه صحيح أنا كده خلصت , طبعا عايز تعرف أنا كتبت كلام زى ده ليه ؟ الحقيقة انا مكنش عندى أدنى فكرة وانا ببتدى أكتب .
ولحد دلوقتى معنديش أدنى فكرة أنا كتبت كده ليه ..
يمكن زحمة أفكار بتجاهد عشان تطلع .. أو أياً يكن .. متنكرش إنك كملت للأخر بمزاجك .
نُقطة .
تعليقات
إرسال تعليق